पूरा दुनियाँ देख्न सक्छ
जब एउटा पुल टुट्यो भने
फोटोग्राफरले फोटो खिच्दछ
उसको तस्बिर
छापिनेछ मुख्य पृष्ठमा ।
जब एउटा बिल्डींग ढल्छ
तब सारा बासिन्दाले देख्दछन् ।
एउटा पूmल टुट्दाखेरी
एउटा पात झर्दछ
तब त्यो पनि देखिन्छ
पार्कभरी सबैले ।
टुटाई लुक्न सक्दैन
घटनाहरु लुकाएतापनि
जब टुट्दछ सम्बन्ध
तब यो देखा पर्दैन
सारा दुनियाँलाई ।
यसको आवाज पनि हुँदैन
अनि घर समाजमा पनि थाहा हुँदैन
थाहा उसको केवल उसलाई
जसको बिचमा यो सम्बन्ध छ ।
धेरै मान्छेहरुले त
लुकाउन सक्लान
आफ्नै मनभित्र
घाऊ जस्तै
आफ्नो हृदयमा
त्यो
तर टुटेको पुलको
लुकाउन सकिँदैन
न लुकाउन सकिन्छ
ढलेको बिल्डींगको ।
कैयौपटक साथसाथ
रहन्छन दुबै जना
अनि कुनै तेश्रोलाई
थाहा पनि हुँदैन
फाटोको थियो कति
दुबैको बीच
त्यो मिठो सम्बन्ध ?
साँचो त यो हो कि
फाटेको सम्बन्धको
कुनै तस्बिरहरु पनि
खिच्न सकिदैंन
कोही कसैको क्यामराबाट
भित्र अनि भित्रसम्म
पोलिरहेको घाउहरुलाई
टुटेको सम्बन्धको पछाडि
लुकेको थियो कति प्रेम
भन्ने यसको त कहिल्यै
थाहै हुँदैन ।
महेन्द्र पौडेल । २६ मे २०१९ परसेटा मारिया ।
