भगवान रोइदिँदा !

तस्वीर ः डा भगवान कोइराला,  सौजन्य गुगल सर्चवाट 

जव मानिसले काम मनबाट नै गर्न खोज्छ वा गर्दछ त्यसमा वाधा अड्चन आइदिदा वा उसको काम गराइहरु सहकर्मीले नवुझीदिँदा रिस उठ्छ तर रिस उठेपनि त्यसलाई थामेर रुनु भनेको निरिह हुनु हो । हो यस्तै निरिहताको प्रर्दशन डाक्टर भगवान कोइरालाले यही ३१ वार्षिकोत्सवमा गरेका छन् । त्रिवि शिक्षण अस्पतालको ३१ औं वार्षिक समारोहमा अस्पतालको प्रगति प्रतिवेदन पेश भएको वखत उनी रुन पुगेका थिए । पछिल्लो तथ्यांक पेश गर्दै गर्दा उनका आँखावाट आशु झन पुग्यो ।
 

अस्पतालको व्यवस्थापनमा कठोर प्रशासक बन्नसक्ने छवि भएका कोइराला आफैँ रुँदा माहोल एकाएक भावुक बन्यो । भाषणकै क्रममा ‘आफू निर्देशक हुँदा बीचमा केही समस्या आयो’ भनेपछि उनका आँसु खसेका थिए । आखिर के थिए ती समस्या रु शिक्षण अस्पतालको वार्षिकोत्सव समारोहको केन्द्रबिन्दु बनेका कोइरालले आँसु झार्दै प्रतिज्ञा गरे, ‘सरकारले दिएको पैसालाई जनताको पोल्टामा पु¥याउँछु ।’

६ महिनाअघि निर्देशक भएसँगै कोइरालाले उत्साहका साथ काम थालेका थिए । कर्मचारीदेखि वरिष्ठ प्राध्यापक चिकित्सकलाई उनले कामका लागि बाध्य बनाए । कमिसनको जालो तोडे । बिरामीलाई जथाभावि रिफर गर्नेहरूको भण्डाफोर नै गरे । बिरामी निजी अस्पतालमा पठाउन रोकिएको विषयलाई लिएर कोइरालाको ‘बोल्ड डिसिजन’ भन्दै पत्रपत्रिकाले मुख्य सामाचार बनाए । कोइरालालाई टिक्न नदिन अनेक तिकडम भयो । त्यसपछि उनले सञ्चालनमा नरहेको सीसीयू सेवालाई गाभेर आईसीयू सेवा विस्तार गर्दा सेवा हटाएको भन्दै एउटै चिकित्सकका नाममा सयौँ पाठक पत्र छपाइयो ।

बिरामी बेच्ने बानी परेका धेरै चिकित्सक उनीसँग रिसाए । चिकित्सक प्राध्यापक संघ र नेपाल प्राध्यापक संघ आईओएम इकाइका नाममा कोइराला विरुद्ध वक्तव्यवाजी भयो । उनीहरूले भने, ‘हाम्रो मानमर्दन भयो ।’  राजीनामा दिएका कोइरालालाई फर्किन नदिन ठूलै चलखेल भयो ।

ती षड्यन्त्र चिर्दै कोइरालले सरकारबाट संस्थाका लागि करोडौँ अनुदान लिएर काममा फर्किए । अहिले पनि कोइरालाकै पहलमा सरकारले शिक्षण अस्पताललाई त्रिविमार्फत बाहेक नै एकमुष्ट २८ करोड रुपैयाँ अनुदान दियो ।

पूर्णरूपमा संस्थाप्रति समर्पित कोइरालाले सुधार अभियान सुनाइरहँदा आफूविरुद्ध भएको षड्यन्त्र र तिकडमबाजी सम्झिएर आँसु खसेको आफू निकटका चिकित्सकसँग खुलाएका थिए । ‘मन थाम्नै सकिनँ,’ डा। कोइरालालाई उद्धृत गर्दै एक चिकित्सकले भने ।

इहेल्थको श्रोतबाट